🌼🦚 श्रीकृष्ण जन्माष्टमीको उल्लासमय पूर्वसन्ध्या 🦚🌼

आज भाद्र १८ गते बिहीबार, विराटनगर–१५ स्थित हाम्रो विद्यालय मा श्रीकृष्ण जन्माष्टमीको अवसरमा विशेष उत्सव हर्षोल्लासका साथ सम्पन्न भयो।

राधा–कृष्णको मनमोहक भेषभूषामा सजिएका नानीबाबुहरूको आकर्षक उपस्थितिले विद्यालय परिसरलाई नै वृन्दावनको झल्को दिलाएको थियो। भजन, नृत्य तथा विविध सांस्कृतिक प्रस्तुतिमार्फत बालबालिकाहरूले आफ्नो प्रतिभा उजागर गर्दै सबैको मन जित्न सफल भए।

कार्यक्रमका क्रममा श्रीकृष्णका आदर्श, जीवनदर्शन र शिक्षाबारे जानकारी प्रदान गरिनुका साथै हाम्रो मौलिक संस्कृति, धार्मिक परम्परा तथा नैतिक मूल्यहरूको संरक्षण र पुस्तान्तरणको सन्देश पनि प्रवाह गरिएको थियो।

बालबालिकाहरूको उत्साह, सिर्जनशीलता र सांस्कृतिक प्रस्तुतिले उपस्थित अभिभावक, शिक्षक तथा अतिथिहरूलाई भावविभोर बनाएको थियो। यस उत्सवले विद्यालयमा भक्ति, संस्कार र मनोरञ्जनको अनुपम संगम सिर्जना गरेको छ।

✨ जय श्रीकृष्ण! ✨